Ostots S.Koop. irabazi asmorik gabeko kooperatiba herritar bat da. Sortzeko prozesua Araizko Udalak sustatu duen arren ez da udalaren menpeko. Kooperatiba honetako bazkide izateko eskubidea du Araitz Udalerriko edozein pertsona fisiko zein juridikok.

— Herritar arruntek bazkide izateko 60 euroko ekarpen bat eta bakarra egingo diote kooperatibari. Horrek eskubidea emango die Ostotsek antolatzen dituen instalazio edo ekimenetan izena eman eta parte hartzeko.

Bazkide batek ekimen/instalazio konkretu batean parte hartzea erabakitzen duenean, ekarpen ekonomiko berria egin beharko dio ekimen/instalazio konkretu horri, aurrera atera dadin. Bazkideak ez daude derrigortuak ekimen/instalazio guztietan parte hartzera, soilik interesatuak dauden haietan.

— Bazkide kolaboratzaile juridikoak, irabazi asmorik gabeko entitateak: 100 euroko ekarpena.

— Bazkide kolaboratzaile juridikoak, entitate publikoak: 600 euroko ekarpena.

Pertsona fisiko eta juridikoak. Hau da, bertako herritarrak, enpresak eta entitateak. Hasiera batean Araizko udalerriko biztanle eta entitateei begira sortutako energia komunitatea da: «Kooperatibaren ohiko lan- eta garapen-eremua Araizko udalerrira da, baina jarduera-eremua Nafarroa osoa izango da».

Noski, energia komunitatearen ateak zabalik daude parte hartu nahi duten herritar guztientzako. Ez da energian aditua izan behar parte hartzeko, gogoa eta ekimena nahikoa dira.

Gurera herritar gehiago gerturatzea nahi dugu, energiaren inguruan zerikusia duten gaietan eztabaida sustatu eta bailaran ditugun erronka energetikoei eta trantsizioari aurre egiteko.

Bazkideek edozein momentutan utz dezakete kooperatiba, eta baja gauzatzeko momentura arte egin dituzten ekarpen ekonomikoak bueltan jasotzeko eskubidea dute. Kooperatibak baloratuko du itzulketa horretarako funtsen erabilgarritasuna, eta une horretan ez badu, itzultzeko epea ezarriko du eta bazkideari jakinaraziko dio.

Irabazi asmorik gabekoa denez, kooperatibak ez du jardueren mozkinik banatuko bazkideen artean. Irabaziak kooperatibara itzuliko dira, bazkideek erabakitako ekimenetan berrinbertitzeko.

Ez. Bazkideek ez diete pertsonalki erantzuten sozietatearen zorrei. Erantzukizun bakarra norberak kapital sozialari egindako ekarpena izango da.

Pertsonek kooperatibari ematen dioten diru-kopurua dira, eta bi motatakoak izan daitezke: nahitaezkoak eta borondatezkoak.

Nahitaezkoak dira kooperatibako bazkide izateko eta betebehar sozialei erantzuteko ematen direnak.

Borondatezko ekarpenen helburua da kooperatibaren proiektuak eta bestelako beharrak babestea, eta haien zenbatekoa aldatu egiten da bazkide bakoitzak egin nahi duenaren arabera.

Ekarpenen bidez, kooperatibaren helburuak betetzeko proiektuak gauzatu ahal izango ditugu.

Bai, proiektu bati laguntzeko egindako diru-ekarpena nahi duzunean erreklama dezakezu.

Ez. Zure betiko argindar hornitzailearekin jarraitu dezakezu. Hark fakturatuko dizu. Ostots ez da merkaturatzaile bat. Gure egitekoa energia sortzea izango da. Ostotsek etorkizunean egingo dituen inbertsioen onurak zure argindar-fakturan ikusi ahal izango dituzu, baina orduan ere, zure merkaturatzaileak fakturatuko dizu.